ეს ყოფილი პოსტსაბჭოთა სივრცის საბალეტო კომპანიებთან  ქორეოგრაფის თანამშრომლობის პირველი პრეცენდენტი იყო, რაც მნიშვნელოვანწილად კილიანის ნინო ანანიაშვილთან თანამშრომლობამ განაპირობა. კონტაქტები ქორეოგრაფთან შემდეგ წლებშიც არ შეწყვეტილა. 2013 წელს კიდევ ერთი ბალეტის პრემიერა შედგა. ეს არის PETITE MORT. თეატრის რეკონსტრუქციის გამო საბალეტო დასის გამოსვლები გრიბოედოვის თეატრის სცენაზე მიმდინარეობდა, თუმცა პრემიერამ დიდი წარმატებით ჩაიარა. ირჟი კილიანის პროგრამის თეატრის  რეპერტუარში სრულყოფილად წარმოდგენისათვის 2015 წელს ქორეოგრაფის თანაშემწემ და პედაგოგ-რეპეტიტორმა პატრიკ დელკრუამ, დამდგმელ ჯგუფთნ ერთად, თბილისის ოპერის თეატრში კიდევ ერთი ბალეტი - „სარაბანდა“ დადგა. ბალეტი იოჰან სებასტიან ბახის მუსიკაზეა (პარტიტა #2 რე მინორი, „სარაბანდა“ (BWV 1004) შექმნილი, რომლის ელექტრონული არანჟირება დიკ ჰოიფს ეკუთვნის. 

ამ ერთმოქმედებიან ბალეტში ირჟი კილიანი კვლავ   ეძებს   პასუხებს ბავშვების მთავარ კითხვაზე „რატომ?“  მარტივი სტრუქტურები, ბანალური სიტუაციები, სიზმრისეული ეპიზოდების ხილვები, უეცარი მოგონებები, ცეკვისა და პანტომიმის დანაწევრებული მოძრაობები -  ყველაფერი ეს მისი ქორეოგრაფიული „სამზარეულოს“ ინგრედიენტია და კითხვას შეგნებულად პასუხგაუცემელს ტოვებს.

სარაბანდას“ გენერალური რეპეტიცია 2015 წლის 28 ნოემბერს განახლებული ოპერის თეატრის სცენაზე შედგა. მისი პრემირა კი, კილიანის სხვა ბალეტებთან ერთად, 2016 წლის 14 მაისს გაიმართება.