Sad Case
 
Sad Case 1998 წელს შეიქმნა, როდესაც სოლ ლეონი მათ ქალიშვილზე შვიდი თვის ფეხმძიმე იყო. ამ ბალეტს ერთ-ერთი მთავარი ადგილი უკავია ლეონისა და ლაითფუტის ერთობლივ ნამუშევრებში. ამის შემდეგ, ბალეტი მის ადაპტირებულ ვერსიად შეიცვალა. მექსიკური მამბოს მუსიკაზე გასაოცარი და მიწიერი მოძრაობები გამოხატავენ სატირულ და კლასიკურ მომენტებს შორისა არსებული დაძაბულობის მუდმივ ძიებას.
 
 
 
Wir sagen uns Dunkles
 
მარკო გოეკესWir sagen uns Dunkles იწყება სარეპეტიციო დარბაზში ქორეოგრაფისა და მოცეკვავეების შეხვედრებით. მათი შეხვედრები უმნიშვნელო ჩანს, მაგრამ ამავდროულად, სწორედ ესაა ყველაფერ დანარჩენზე მეტად მნიშვნელოვანი; ახალგაზრდა, ცელქი და ბოროტი, ხუმარა და პანკური. „დღეს, ისე, როგორც არასდროს, ჩემი გრძნობები მოცეკვავეებს ეკუთვნის“ - ამბობს გოეკე. თვალის დახამხამება, მზერა, მეტისმეტად სწრაფი ჟესტი. მხოლოდ მომენტია, თუ ისტორია? რაც რჩება, არის მხოლოდ ცრემლი, რომელიც წამწამს აშრება. როგორ ვახლოვდებით? პეპელა, რომელიც გაფრენამდე ერთი წამით ჩერდება. შუბერტისა და შნიტკეს ხმა ხვდება პლაცებოს სიმღერებს: The Swan Song and Song To Say Goodbye; ჟღარუნებიანი შარვლები, მისი ხმა მუსიკის საპირისპიროა. გოეკე: „მოცეკვავეები უმალ მიგებენ. არანაირი ზღვარი არაა; მათ სურთ, რომ გამოწვევები მიიღონ“. ისინი ცეკვავენ სწრაფად, ვირტუოზულად, ჟესტიკულირებენ განსაკუთრებული მანერით. გაუცნობიერებლად, თუმცა თვითდაჯერებულად - და არ აქვს მნიშვნელობა ეს იქნება სოლო, პა დე დე თუ უფრო დიდი ჯგუფი - ისინი ურთიერთობენ გოეკეს ენით, თითქოს სხვა არც უსწავლიათ. უსიტყვებოდ ალაპარაკებული სიბნელე.
 
 

Subtle Dust
  
„ჩვენ კვლევა-ძიება არ უნდა შევწყვიტოთ და ძიების ბოლოს მივალთ იქ, საიდანაც დავიწყეთ და მოგვეჩვენება თითქოს ეს ადგილი პირველად ვნახეთ“ - თომას ელიოტი
 
„ბოლოს ი. ს. ბახის მუსიკაზე 2001 წელს ვიმუშავეთ. მას დიდი გავლენა ჰქონდა ჩვენს ნამუშევარზე, ამგვარად, ჩვენი მხრიდან ნათელი და გაცნობიერებული გადაწყვეტილება იყო, რომ მორიგ მოგზაურობაში კვლავ მას დავბრუნებოდით. ბახის თითქმის ყველა ნამუშევარი, რომელიც ჩვენ ამ ბალეტისთვის შევაგროვეთ, მისი ჯადოსნური მუსიკის ტრანსკრიპციის ან ინტერპრეტაციის სახითაა წარმოდგენილი. მისი მუსიკა, როგორც წყარო - შეულახავი რჩება, თუმცა ტრანსფორმირებულია. ტრანსფორმაცია მნიშვნელოვან როლს თამაშობს ჩენს ცხოვრებაში ყველა დონეზე, იქნება ეს ფიზიკური, ემოციური, თუ სულიერი. ჩვენი ნამუშევარი აბსტრაქტულად რჩება, თუმცა რა იქნებოდა უფრო წმინდა გზა იმისა, რომ ჩვენი ქორეოგრაფიული გაორება შეადარო როგორც ფიზიკური ინსტინქტის, ისე ინტელექტუალური ფიქრის კონცეფციას, რომელიც გარდაიქმნება ორივეს მიერ შექმნილ მესამე ელემენტად? სიმბიოზი. ჩვენ გვსურდა, რომ ამ ნამუშევარს მაღალი ხარისხი ეჩვენებინა ამ ახალგაზრდა და ნიჭიერ მსახიობებთან ერთად, რათა მათ საშუალება ჰქონოდათ, გაზრდილიყვნენ და შეცვლილიყვნენ ისევ თავიანთ საწყისებთან დაბრუნების მეშვეობით, ციკლებთან ერთად ცურვითა და ბუნებასთან ხელახლა დაკავშირებით. ჩვენ ყველა შევხვდებით ასეთ წყაროს, რომელიც მოთმინებით გველოდება“. სოლ ლეონი და პოლ ლაითფუტი.