ხათუნა ჭოხონელიძე



ხათუნა ჭოხონელიძე

ხათუნა ჭოხონელიძე  
თბილისის ვანო სარაჯიშვილის სახელობის სახელმწიფო კონსერვატორიის ქუთაისის ფილიალის 1998 წლის კურსამთავრებული ხათუნა ჭოხონელიძე სოლო აკადემიურ სიმღერას პროფესორ გ. ლომთაძის კლასში ეუფლებოდა. ამავე წელს, კონსერვატორიის საოპერო სტუდიაში ეთერის პარტია შეასრულა (ზაქარია ფალიაშვილის „აბესალომ და ეთერი“); მონაწილეობა მიიღო ერევანში, ქართული მუსიკის დღესთან დაკავშირებით გამართულ კონცერტში, სადაც შეასრულა ფრაგმენტები ჯაკომო პუჩინის ოპერიდან „ტოსკა“ და პიეტრო მასკანის ოპერიდან „სოფლის ღირსება“.

1998-2004 წლებში მომღერალი ქუთაისის ოპერისა და ბალეტის თეატრის სოლისტი იყო და ასრულებდა ეთერის (ფალიაშვილის „აბესალომ და ეთერი“), მზიას (ოთარ თაქთაქიშვილის „მინდია“), ლელას (რევაზ ლაღიძის „ლელა“) სანტუცას (მასკანის „სოფლის ღირსება“) პარტიებს.

2004 წლიდან ხათუნა ჭოხონელიძე თბილისის ზ.ფალიაშვილის ოპერისა და ბალეტის თეატრის სოლისტია. ზემოთ ჩამოთვლი როლების გარდა, იგი ასრულებდა აიდას (ჯუზეპე ვერდის „აიდა“), ელიზაბეტის („დონ კარლოსი“), ლეონორას („ტრუბადური“), ლეონორას („ბალ-მასკარადი“), ტოსკას (პუჩინის „ტოსკა“), ჩო-ჩო სანის („მადამ ბატერფლაი“), ნედას (რუჯერო ლეონკავალოს „ჯამბაზები“) პარტიებს.

2016 წელს, „აბესალომ და ეთერის“ პრემიერაზე, რომელიც ოპერის განახლებულ თეატრში შედგა, ხათუნა ჭოხონელიძემ ეთერის პარტია შეასრულა (რეჟისორი - გიზო ჟორდანია, დირიჟორი - ზაზა აზმაიფარაშვილი).

2016 წლიდან დღემდე, აღსანიშნავია მომღერლის გამოსვლები საპრემიერო სპექტაკლებზე შემდეგი პარტიებით:
ნედა, ლეონკავალოს „ჯამბაზები“, თემურ ჩხეიძის დადგმა;
აიდა, ვერდის „აიდა“, ფრანკო ძეფირელის დადგმა;
მიკაელა, ბიზეს „კარმენი“, ლევან წულაძის დადგმა;
სანტუცა, მასკანის „სოფლის ღირსება“, რეჟისორი - ვიქტორ გარსია სიერა, დირიჟორი - ალბერტო ვერონეზი;
ამელია, ვერდის „სიმონ ბოკანეგრა, ალფონსო სინიორინი, ზაზა აზმაიფარაშვილი;
ლიუ, პუჩინის „ტურანდოტი“, რეჟისორი - ალფონსო სინიორინი, დირიჟორი - ზაზა აზმაიფარაშვილი;
ელიზაბეტა, ვერდის „დონ კარლოსი“, რეჟისორი - ჩეზარე ლიევი, დირიჟორი - ალბერტო ვერონეზი;
ტოსკა, პუჩინის „ტოსკა“, რეჟისორი - ჯანკარლო დელ მონაკო, დირიჟორი - ჯანლუკა მარტინენგი. სპექტაკლში ხათუნა ჭოხონელიძეს პარტნიორობა გაუწიეს მსოფლიოში აღიარებულმა ქართველმა მომღერლებმა, ლადო ათანელმა და გიორგი ონიანმა.

გარდა საოპერო სპექტაკლებისა, მომღერალი მუდმივად მონაწილეობს სხვადასხვა გალა-კონცერტში, ფესტივალში თუ სამთავრობო ღონისძიებაში. მათ შორის, აღსანიშნავია: ევროკავშირსა და საქართველოს შორის ურთიერთობების დამყარებისა და საქართველოს დამოუკიდებლობის აღდგენის 25 წლისთავისადმი მიძღვნილი გალა კონცერტი; საერთაშორისო ფესტივალი „შემოდგომის თბილისი“, სადაც შეასრულა საქართველოს პატრიარქის AVE MARIA ვახტანგ კახიძის დირიჟორობით