GE
ყველა ღონისძიება
ოპერა
ბალეტი

ადოლფ ადანი

ჟიზელი

ბალეტი ორ მოქმედებად

ჟან კორალის, ჟიულ პეროს და მარიუს პეტიპას ქორეოგრაფია

თეოფილ გოტიეს და ჟიულ ანრი სენ-ჟორჟის ლიბრეტო

ალექსეი ფადეეჩევის ქორეოგრაფიული რედაქცია და დადგმა

 

სოლისტები:

ჟიზელი - მარია კოჩეტკოვა

საქართველოს სახელმწიფო ბალეტის

წამყვანი სოლისტი

 

პრინცი ალბერი - დანიილ სიმკინი

ბერლინის სახელმწიფო ბალეტის და ამერიკის

ბალეტის თეატრის  წამყვანი სოლისტი

 

დამდგმელი დირიჟორი:  ზაზა კალმახელიძე

დამდგმელი მხატვარი: ვიაჩესლავ ოკუნევი

განათების მხატვარი: პოლ ვიდარ საევარანგი

დამდგმელი ქორეოგრაფის ასისტენტი: ტატიანა რასტორგუევა

 

 თბილისის ზაქარია ფალიაშვილის სახელობის ოპერისა

და ბალეტის სახელმწიფო თეატრის ორკესტრი

დირიჟორი: ლევან ჯაგაევი

 

ფესტივალის სამხატვრო ხელმძღვანელი

ნინო ანანიაშვილი

 

*დაგვიანებული მაყურებელი დარბაზში მხოლოდ მომდევნო მოქმედებიდან დაიშვება

* თეატრში მოქმედებს დრესკოდი. შორტებით არ დაიშვებიან.

* 6 წლამდე ბავშვები დაიშვებიან მხოლოდ დღის სპექტაკლებზე

შინაარსი

ვრცლად

პირველი მოქმედება

გრაფი ალბერი, რომელსაც სოფლის გლეხი გოგონა ჟიზელი უყვარს, საკუთარ დიდგვაროვნებას მალავს. მეტყევე ჰანსი ასევე შეყვარებულია ჟიზელზე და მის ცოლად შერთვაზე ოცნებობს. მას ეჭვი აქვს, რომ ალბერი დიდგვაროვანია და ცდილობს გამოარკვიოს ეს. მარტოდ დარჩენილი ჰანსი იმ ქოხიდან, სადაც ალბერმა თავისი დაშნა და მოსასხამი დამალა, მის დაშნას მოიპარავს, რომელზეც გრაფის გერბია ამოტვიფრული.

გაისმის ნადირობის მაუწყებელი საყვირების ხმა. ჰერცოგი და მისი მშვენიერი ასული ბატილდა, რომელიც დანიშნულია გრაფ ალბერზე, მეგობრებთან ერთად სწორედ იმ სახლის წინ ჩერდებიან, სადაც ჟიზელი და დედამისი ბერტა ცხოვრობენ. ჰერცოგის ქალიშვილი მოიხიბლება სოფლელი გოგონას უმანკოებით. ჟიზელი უყვება მას, რომ დანიშნულია და თხოვდება. ბატილდა ჟიზელს ყელსაბამს ჩუქნის და მოსასვენებლად მასთან სახლში შედის.

სოფელში მოსავლის აღებას ზეიმობენ, სადაც ჰანსი ჟიზელს უყვება სიმართლეს ალბერის შესახებ და აჩვენებს მის დაშნას. გოგონა ცდილობს პასუხი მიიღოს ალბერისგან. შეძრწუნებული ჟიზელი ცდილობს ალბერის დაშნით მოიკლას თავი. მას ესმის როგორ იხმობენ ვილისები და ჭკუიდან შეშლილი დედამისის მკლავებში კვდება.

 

მეორე მოქმედება

შუაღამეა. სოფლის სასაფლაოზე მთვარიან ღამეს გამოჩნდებიან ვილისები, ქორწინებამდე გარდაცვლილი ქალწულები. ისინი შეამჩნევენ ჰანსს, რომელიც ჟიზელის საფლავზე მოვიდა. ვილისები, თავიანთი მკაცრი მბრძანებლის, მირტას განკარგულებით, ჰანსს თავბრუდამხვევ ცეკვაში იწვევენ და აიძულებენ იცეკვოს მანამ, სანამ მიწაზე უსულოდ არ დაეცემა.

ჟიზელს ვერ ივიწყებს ალბერიც. ღამით ისიც მიდის საფლავთან და მაშინვე ვილისების გარემოცვაში ექცევა. ჰანსის საშინელი ბედის გაზიარება ალბერსაც ემუქრება. მაგრამ ჟიზელის აჩრდილის გამოჩენა, რომელსაც შეუნახავს თავგანწირული სიყვარული ალბერისადმი, იცავს და იხსნის მას ვილისების რისხვისაგან.

მზის პირველ სხივებთან ერთად ისმის ზარების ხმა, რომელთან ერთადაც ვილისების თეთრი აჩრდილები ძალას კარგავენ. უჩინარდება ჟიზელის აჩრდილიც, თუმცა იგი ყოველთვის იცოცხლებს ალბერის ხსოვნაში, როგორც მარადიული სევდა დაკარგული სიყვარულისადმი, რომელიც სიკვდილზე ძლიერია.