2022 წლის 28 ოქტომბერს, თბილისის ოპერისა და ბალეტის სახელმწიფო თეატრში, კანტატის მიხედვით ერთმოქმედებიანი ბალეტის პრემიერა შედგა, რომლის ქორეოგრაფია ილია ჟივოის ეკუთვნის. „კარმინა ბურანას“ დამდგმელი დირიჟორი ზაზა აზმაიფარაშვილია. პრემიერის შემდეგ „კარმინა ბურანა“ საბალეტო დასმა ტურინის ოპერის თეატრში წარმოადგინა, რომელშიც ტურინის ოპერის გუნდი და ორკესტრი მონაწილეობდა.

„სპექტაკლში „კარმინა ბურანა”, მინდა ვისაუბრო ადამიანური ბედის ცვალებადობასა და მზაკვრობაზე, უფრო გასაგებად რომ ითქვას, ცხოვრებისეულ აღმასვლებსა და დაღმასვლებზე.
Codex Buranus-ს პოეტური ტექსტების გულდასმით წაკითხვისას, გასაგები ხდება, რამდენად მნიშვნელოვანი იყო ცხოვრების აღქმის ასპექტი და ღვთაებრივისადმი დამოკიდებულება უბრალო ადამიანის მხრიდან, რომელიც ბუნების თაყვანისმცემელია, უზენაესი ძალების სწამს და ესმის საკუთარ თავში თუ მისნაირებში არსებული მოთხოვნილებებისა, ურიცხვი მანკიერების მონაცვლეობა ცხოვრების აუჩქარებელ დინებაში.
ესაა სპექტაკლი ბედისწერაზე, მის მნიშვნელობასა თუ უაზრობაზე, ჩვენს შინაგან ჯადოსნურ ხმებზე, მარადიული ბედნიერებისათვის ბრძოლაზე, ცხოვრების არსზე და ადამიანის სულის ფასდაუდებელობაზე“.

ილია ჟივოი
ქორეოგრაფი